مشروع تخرج

عندك مناقشة مشروع تخرج؟

*ملاحظة : المقالة التالية لطلاب مناقشات المشاريع القائمين على مشروعهم نقرة نقرة , مش شفو من مشروع سابق في جامعة العخربوت.

متوتر,خايف,مرتعب و مش عارف شو , هاد الدكتور حيدقق علي كتير ويسألني وخايف ما اعرف اجاوب!!!

الله عليك خايف ما تعرف تجاوب؟ ليش داخل امتحان مش دارسلو واللا المادة ما فهمك اياها صاحبك؟

المشكلة الحاصلة بين الطلاب انه مش فاهم معنى كلمة مناقشة واللي هي انو تشرح شو عامل وعن شو بيحكي مشروعك وتفهم اللجنة وبعديها تسألك بمشروعك عن بعض النقاط اللي ما فهموها او اللي عجبتهم وبدهم يعرفو كيف عملتها.. هاد مش امتحان ليسألك سؤال مش عارف شو بده منو, اصلا بالمناقشة انت بتكون بموقع الاستاذ واللجنة بموقع الطلبة.

ولما ييجي دكتور يسأل طالب : ليش استخدمت هاد الاشي وما استخدمت هداك ؟ او لو عملنا هيك وسوينا هيك عكس ما انت عملت بيشتغل بنفس الكفاءة؟

هون طبعا الطالب بينعجق وبيصر راسه يلف يمين شمال؟؟؟

عاد الجواب بسيط: "أنا استخدمت هاد لانو مشروعي هيك وانا لما فكرت وتمحصت وعن طريق ارهاصاتي الفكرية خطر عبالي هاد الاشي ليخدم مشروعي, والعفو ليش اعمل هيك واسوي هداك هيك ؟ انا مشروعي وطريقة عمله والطريقة اللي انا مستخدمها هي هيك ليش اعقد عحالي او بالاحرى هاد اللي فكرت فيه وقت ما عملت المشروع".

اكيد فهمتو شو اللي بقصده, والا هو انه المناقشة التحدث بمشروعك والاستفسار عن الاشياء اللي فيه فقط للتفهيم مش ليغيرك كل اللي اشتغلته عشان يعرف النتائج ! طب ماهو كل شي بده يتغير

الحق على الطالب انه بيرتبك وما بيعرف يجاوب وبيفكر انه السؤال كان لازم يكون دارسه قبل بوقت بس ما كان مصوّر الماده من صاحبه!! والحق التاني عالدكتور اللي بيحكي وبيسأل اسئلة بحتة وليس اسئلة نقاش.

النقاش انا احكي وانت تحكي لحد ما حدا يقنع التاني او بالعربي لحتى الطرف التاني يفهم وجهة نظرك , مش امتحان TOFEL .

فيا أيها الطالب اهم اشي لا ترتبك فهاد مشروعك وشغل ايديك يعني انت اكتر واحد فاهمو فينا ولا تخلي الدكتور يهاجمك, خليك دايما مستعد للاجابة واذا السؤال حسيتو زادها عليك ومن خلاله صار مشروعك اشي تاني يا بتجاوبو وتقول "روح جرّب بايدك وشوف شو بيطلع معك" زي ما

الهم 5 سنين بيحكولنا, أو بتكون اكثر احترام وبتوصل فكرتك وبتقنعهم انو اللي استخدمتو بنظرك احسن وهو اللي انت بالاصل فكرت فيه والفكرة الجديدة اللي من الدكتور انشالله واحد تاني بتخطر عباله وبيشتغلها :)

فأنا من موقعي هذا اناشد واطالب كل الدكاترة بانه تكون المناقشة مناقشة وليست حفلة اسئلة فاينل من خارج المنهاج عرووس الطلاب .. وشكرا

للتعليقات والمزيد من المعلومات عن المناقشات زورونا عصفحة "الله يرحم جدك" على الفيسبوك :))

http://www.facebook.com/Yer7amJiddak

>