ويلي من البنات اليوم كل ساعة بتيجينا بلون
خربن عقل الشباب لما لبسن هالفيزون
والبنت بتلبس حجاب وموضتها عجب عجاب
من فوق عمر خالد ومن تحت عمر دياب
يا عالم شو اللي بيصير فيزون وجينز وقصير
بدي أغني واحكي كثير مش متحمل يا بيي
ارحمنا ارحمنا يا فيزون وخليت العقل مجنون
والشب بنظرة العيون عم ياكل هالصبية
البستي فيزون الخطر وجننتي كل البشر
وبطل يغض البصر بس اللي عيونه معمية
البستي ورحتي المجمع فيزونك بيلمع
شافك واحد ولع ولع جبناله الاطفائية
حجابك صاير بالمرة والمصيبة طلعتي الغرة
ولما شعرك نصه برة لو ما لبستيه هيه هيه
صغرتي من حجم الكنزة حتى يحكو عنك مزة
وان عاكسناكي بتفزي وبتصيبك هزة ارضية
لبس الضيق مع الحجاب غير المصايب ما جاب
طير عقول الشباب وخرب هالختيارية
نزلتي ولبسي محزق عالشارع والبدي ملزق
جننتي الدنيا بجينزك وعذبتي العزابية
التعليقات بالأسفل